LETZEBUERGER THEATER
De Letzebuerger Theater stellt sech vir
De "Lëtzebuerger Theater", fréier "Lëtzebuerger Theater – Les compagnons de la scène" gëtt et an där aktueller Form als asbl schon iwwer 50 Joër. Virun e puer Joër sin d'Statuten emgeännert gin, an dem Numm "Les compagnons de la scène" ass ewechgefall. Vun deem Moment schwätze mir just nach vum "Lëtzebuerger Theater".
De Letzebuerger Theater stellt sech vir
De "Lëtzebuerger Theater", fréier "Lëtzebuerger Theater – Les compagnons de la scène" gëtt et an där aktueller Form als asbl schon iwwer 50 Joër. Virun e puer Joër sin d'Statuten emgeännert gin, an dem Numm "Les compagnons de la scène" ass ewechgefall. Vun deem Moment schwätze mir just nach vum "Lëtzebuerger Theater".Mir maachen 2 Produktiounen am Joër, eng am Fréijoër an eng am Hierscht.
All Fréijoër op en Neits gëtt déi méi wéi traditionnell REVUE opgefouert. Déi alleréischt REVUE gouf am Joër 1896 !! (jo, Dir hudd Iech net verlies) dem Publikum presentéiert. Mir spillen am Joër 2012 also schon déi 116. REVUE. Première feiert d'REVUE all Joër am Groussen Theater an der Stad. Mee och zu Esch am Theater an, zanter dem Joër 2004, och zu Ettelbréck am CAPE ass d'REVUE net méi ewechzedenken.
All Joër am Hierscht spille mir en Theaterstéck, wat traditionnell am Kapuzinertheater an der Stad an am Theater zu Esch opgefouert gëtt. Am Hierscht 2011 huet de "Lëtzebuerger Theater" fir d'alleréischt och eng Co-Produktioun mam Kinneksbond zu Mamer gestart, wou och d'Première vum Stéck "Voll dernieft" stattfonnt huet. Och ass am Januar 2012 eng éischt Opféierung vum Theaterstéck am CUBE 521 zu Maarnech geplangt.
Folgend Leit sin am Moment an der Equipe vum "Lëtzebuerger Theater" aktiv, sief et op der Bühn oder hannert der Bühn: Martine Haubrich, Nathalie Felten, Corinne Collé, Dana Zangerlé, Françoise Neu, Marc Camy, Marc Schmit, Jean-Claude Muller, Fränk Kuffer, Will Aust, Zoltan Gaetti, Josée Conrardy, Yvette Engel, Milly Heck, Sophie Maurer, Katie Roch, Coiffeur Tun, Jos Christen, Jay Schiltz, Pol Pütz, Marc Weidert, Roland Meyer, Guy Wagner, Heng Kleren a Robi Arend.
Mir fréen eis alleguer, Iech nach laang Joren vill Freed ze bereeden mat eisen Produktiounen.
Eis Produktioun am Hierscht 2011:
"Voll dernieft"
Eng Farce vum Josy Christen
Eis Produktioun am Hierscht 2011:
"Voll dernieft"
Eng Farce vum Josy Christen
Ubeemol Vieux-Luxembourg-Parzeläin, eng Fëscheraangel, e Kanarievillchen oder friem Pyjamaen doheem ze fannen, ouni ze wëssen wouhier a firwat - dat ass scho gelunge genuch. Mä et kënnt nach méi knëppeldéck fir de Jim Ackermann : Ass dat, wat hien haut alles erlieft, déi reell Realitéit oder nëmme schlecht gedreemt ? A ween ass dann elo hei wierklech nieft der Plack : hien, säi Laurence oder all déi ronderëmmer ? Wéi d'Sandy Moulin, déi mystériéis Botzfra, déi iwwerall matmësch.... de Lex Colling, en Noper vum Stack, deen nach eng Femme Fatale fir a säin neie Roman sicht.... oder éieren de Jacquot Peiffer, en hondsfrieme Käerel, dee sech net nëmme mat Sak a Pak bei hinnen aquartéiert, mä och nach all klengsten Détail aus dem Laurence sengem Liewe kennt, dass et der scho bal onheemlech gëtt ?
Hei ass eppes faul. Hei leeft eng grotesk Intrig. Ween trickst hei ween aus ?
Du laachs der zwar eng Boss, ower fir si ass et en Däiwelsspill ! De Jim verléiert sech an deenen drolechsten Halluzinatiounen an och d'Laurence geréit ëmmer méi an d'Laberänten. Mä wéi sou dacks am Liewen : wann ee laang genuch no der Wouerecht sicht, da fënnt een se och iergent eng Kéier.... an de Lex Colling kritt säi Thriller "Russescht Roulett" bestëmmt elo méi ewéi fäerdeg geschriwwen.
Hei ass eppes faul. Hei leeft eng grotesk Intrig. Ween trickst hei ween aus ?
Du laachs der zwar eng Boss, ower fir si ass et en Däiwelsspill ! De Jim verléiert sech an deenen drolechsten Halluzinatiounen an och d'Laurence geréit ëmmer méi an d'Laberänten. Mä wéi sou dacks am Liewen : wann ee laang genuch no der Wouerecht sicht, da fënnt een se och iergent eng Kéier.... an de Lex Colling kritt säi Thriller "Russescht Roulett" bestëmmt elo méi ewéi fäerdeg geschriwwen.
Et spillt d'Equipe vum "Lëtzebuerger Theater" mam Nathalie FELTEN, Martine HAUBRICH, Marc CAMY, Zoltan GAETTI a Marc SCHMIT.
Régie: Zoga a Jochri
Scénographie: Katie ROCH
Inspizienz: Josée CONRARDY
Kostümer: Yvette ENGEL a Milly HECK
Coiffure a Maquillage: Coiffure BY TUN
Scénographie: Katie ROCH
Inspizienz: Josée CONRARDY
Kostümer: Yvette ENGEL a Milly HECK
Coiffure a Maquillage: Coiffure BY TUN
Eis Produktioun am Fréijoer 2012:
REVUE 2012 : "Bistro De Lüx"
Eis Produktioun am Fréijoer 2012 :
REVUE 2012 : "Bistro De Lüx"
vum Jay, Jochri, Romey, FrankY, Wagu a Marquis
Regie: Zoltan GAETTI
Scénographie: Sophie MAURER a Katie ROCH
Musik: Heng KLEREN a Robi AREND
Inspizienz: Josée CONRARDY
Coiffure a Maquillage: Coiffure BY TUN
Kostümer: Yvette ENGEL a Milly HECK
Reservatiounen op www.luxembourgticket.lu oder 470895 - 1
